क्युबाहून निघालेले आमचे खास विमान पॅसिफिक महासागरावरून अमेरिकन हवाई हद्दीचा जराही भंग होत नाही याची काळजी घेत सिडनीला उतरले. साडेतीन वर्ष इजिप्शियन पाकिस्तानी आणि शेवटी अमेरिकन उन्मत्त तुरूंगाधिकाऱ्यांनी लाथा बुक्क्यांनी तुडविलेला मामदू हबीब हा निरलस, निर्दोष ४९ वर्षांचा तरूण, पण आता जख्खड म्हातारा दिसणारा माझ्या बरोबर होता. त्याची तरूण पत्नी मागेच मरण पावली म्हणून त्याला तुरूंगात सांगण्यात आल्याने, अजून खचलेला मोठय़ा कष्टाने सहा आसनी विमानात चढला आणि एका कोपऱ्यात बसलेल्या आपल्या पत्नीला पाहून कोसळलाच. ते दृश्य, त्या भावना माझे हृदय विदीर्ण करून गेल्या. मृत्यूची शिक्षा झालेल्यांचे, त्यांच्या शेवटच्या क्षणाचे साक्षीदार असण्याचे प्रसंग माझ्यावर आले, पण मी एवढा त्या वेळी वा कधीही गलबलून गेलो नव्हतो.|
|
