मराठी कविता

त्या येऊन जाणा-या लाटेशी

या बिचा-या किना-यानं कसं वागावं..?

ती परकी नसली तरी त्यानं

तिला आपलं कसं मानावं..?

-------------------------------------

 आयुष्याशी, वाद घालणे, जमले नाही

अन्‌ मृत्यूला, साद घालणे जमले नाही

जीवनवादी, मृत्यूवादी, वादी मीही

वाद, साद, फिर्याद घालणे, जमले नाही

न पटण्याचे, कोडे मजला,

न पटण्याचे, कोडे मजला, सुटले नाही

आयुष्याशी, कधीच माझे, पटले नाही

जी भ्रामकता, क्षितिजाची, ती अमुची होती

दोघांमधले, अंतर काही, मिटले नाही

सहनशीलता, सहनशीलता किती असावी

कसे म्हणावे, धरणीचे मन, विटले नाही

हात गुंफुनी, हाती दोघे, जिवलग डोंगर

दरीमुळेही, नाते त्यांचे, तुटले नाही

संशय आला, धरतीला का, आकाशाचा?

प्याल्यामध्ये, उगाच वादळ, उठले नाही

जितुका लुटता आला, तितुका सुगंध लुटला

पण वाऱ्याने, कळ्या फुलांना, लुटले नाही

अचंबीत ते, झाले माझ्या, होकारांनी

अफवांचे मग, पेव `इलाही' फुटले नाही

---------------------------------------

उपदेश देयला सगलेच असतात

मात्र समजून घेणार कोणीच का नसते

सुखात सगलेच सहभागी होतात

पण दुखत मात्र अदृश्य का होतात

जीवंत असताना कोणीच जवळ नसते

मग मेल्यावर का सगळे एकत्र येतात

हे आयुष्य असे का असते

जिथे गरज असताना कोणीच का नसते??????

------------------------------------------

 मला आवडत स्वप्नांच्या दूनीयेत रमायला,

जे नाही करू शकत खर्या आयुष्यात ते जगायला,

खूप सोप असत इथे हातात हात घालून रानोमाल भटकायला,

तर कधी नीजून तीच्या मांडीवर पुनवेचा चंद्र बघायला,

शब्दही सापडतात अलगद इथे तीची स्तुती करायला,

संधीही नाही मीळत तीला मग खोटे खोटे ही रुसयला,

म्हणूनच मला आवडत स्वप्नांच्या दूनीयेत रमायला,

जे नाही करू शकत खर्या आयुष्यात ते जगायला,

नाही लागत परवानगी कुणाची सीनेमा बघायला,

खूप मजा येते यार इथे बाइक वर फीरायला,

ती चाही असतो होकार नेहमी माझ्या मीठीत यायला,

कशाचीच उपमा नाही दोस्तांनो तीच्या कुशीत नीजायला,

म्हणूनच मला आवडत स्वप्नांच्या दूनीयेत रमायला,

जे नाही करू शकत खर्या आयुष्यात ते जगायला,

...पण काय सांगू मीत्रानो तीचाच एस एम एस येतो शेवटी,

मला स्वप्नातून जागे करायला...!

-------------------------------------------

आहे बरेच काही सांगायला मला

काळीज ठेव तूही ऐकायला मला!

ठेवून ओळ गेली माझ्या वहीत ती

(झाला उशीर थोडा वाचायला मला)

असतो कधी इथे मी, असतो कधी तिथे

जावे कुण्या दिशेने शोधायला मला?

का रात्र मी अमेची जागून काढली?

येणार चंद्र नव्हता भेटायला मला

भेटायला हवे ते, का भेटले कधी?

आले नको नको ते बिलगायला मला!

हलकेच हात मीही हातात घेतला

होतेच शब्द कोठे बोलायला मला?

-------------------------------------------

तुझी आठवण आली ना की मला माझाच राग येतो,

संपले ना सर्व तुझ्याकडुन, मग असा का त्रास देतो?

नको त्या खोट्या शपथा, नको त्या सुखद आठवणी,

आठवुन सर्व काय करु? मग डोळ्यांत येते पाणी...!!!!

मैत्री केली आहेस म्हणुन तुला सांगावस वाटतय

गरज म्हणून 'नातं ' कधी जोडू नकोस

सोय म्हणून सहज असं तोडू नकोस..

रक्ताचं नाही म्हणून, कवडीमोल ठरवू नकोस

भावनांचं मोल जाण..मोठेपणात हरवू नकोस..

आयुष्याच्या प्रत्येक वळणात नवं नातं जुळत असतं

जन्मभर पुरेल इतकं भरून प्रेम मिळत असतं..

तुझी ओंजळ पुढे कर, कमीपणा मानू नकोस

व्यवहारातलं देणं घेणं फक्तं मध्ये आणू नकोस..

मिळेल तितकं घेत रहा, जमेल तितकं देत रहा

दिलं घेतलं सरेल तेव्हा.. पुन्हा मागून घेत रहा..

समाधानात तडजोड असते...फक्त जरा समजून घे

'नातं ' म्हणजे ओझं नाही, मनापासून उमजून घे..

विश्वासाचे चार शब्दं..दुसरं काही देऊ नकोस

जाणीवपूर्वक 'नातं ' जप.. मध्येच माघार घेऊ नकोस..!!